Udhëheqësit e samitit të NATO-s janë të shqetësuar për shëndetin e Biden dhe rikthimin e mundshëm të Trump

LONDËR - Udhëheqësit evropianë do të monitorojnë nga afër presidentin e SHBA-së, Joseph Biden në samitin e NATO-s në Uashington, teksa performanca e tij e lëkundshme në një debat televiziv me rivalin Donald Trump rriti shqetësimet tashmë ekzistuese të evropianëve që e shohin SHBA-në si një "aleat të paparashikueshëm", shkruan Guardian. .

Vetë Biden është duke shpresuar se roli i tij udhëheqës në samit mund të shpëtojë fushatën e tij nga Trump, mes turbullirave të shqetësimeve për moshën dhe gjendjen mendore të presidentit.

Megjithatë, disa zyrtarë evropianë shprehën shqetësimin në bisedat private për paraqitjen e pasigurt të Biden në publik, si dhe probabilitetin e lartë që Trump mund të fitojë një mandat të dytë.