Tokio po zhvillon një aplikacion takimesh për të inkurajuar të rinjtë të martohen

TOKYO - Bashkia e Tokios po zhvillon një aplikacion takimesh të quajtur "Tokyo Futari Story" për të inkurajuar të rinjtë të martohen dhe të krijojnë një familje.

Asambleja e qytetit planifikon ta vërë në dispozicion aplikacionin në fund të vitit në celular dhe në internet, raporton AP.

Detajet e aplikimit nuk janë vendosur ende. Bashkia e qytetit nuk pranoi të komentojë raportet e mediave japoneze se aplikacioni do të kërkojë prova të identitetit, si patentë shoferi ose të dhëna tatimore për të vërtetuar të ardhurat.

Sipas të dhënave të Ministrisë së Shëndetësisë, numri i martesave në Japoni është në rënie, pasi lindshmëria ka arritur në nivelin më të ulët historik.

Vitin e kaluar janë lidhur 474.717 martesa, ndërsa në vitin 2022 ky numër ka qenë 504.930.

Bashkia sponsorizon gjithashtu ngjarje ku beqarët mund të takohen dhe çiftet mund të marrin këshillim për martesën.