Southgate: Kemi pasur shumë probleme para fillimit të EP-së, tani gjithçka po shkon në vend
KELN – Trajneri i Anglisë në futboll, Gareth Southgate, ka thënë se ekipi i tij ka pasur shumë probleme para fillimit të Kampionatit Evropian në Gjermani, por shtoi se beson në një rezultat të mirë në kampionatin kontinental, raportojnë mediat britanike.
Mbrëmë në Këln Anglia luajti pa gola ndaj Sllovenisë në ndeshjen e xhiros së fundit, të tretë të Grupit C. Në ndeshjen e dytë të xhiros së tretë të Grupit C, pa gola luajtën edhe përzgjedhjet e Serbisë dhe Danimarkës.
Anglia fitoi vendin e parë në Grupin C me pesë pikë. Danimarka dhe Sllovenia morën nga tre pikë, ndërsa Serbia e mbylli garën në EP në vendin e fundit me dy pikë. Anglia, Danimarka dhe Sllovenia do të luajnë në fazën e 16-të të EP-së.
