Më shumë se 24 palestinezë u vranë në një sulm ajror izraelit në një shkollë në Gaza
GAZA - Më shumë se 24 palestinezë, duke përfshirë fëmijë dhe gra, u vranë në sulmin ajror izraelit të mëngjesit të sotëm në një shkollë në Deir al-Balah, pjesa qendrore e Rripit të Gazës, ku strehohen të zhvendosurit.
Burimet lokale thanë se në sulmin e avionëve luftarakë izraelitë ndaj shkollës, e cila ndodhet në perëndim të Deir al-Balah, ka pasur dhjetëra viktima, dhe se shumë njerëz janë lënduar rëndë, transmeton agjencia palestineze Wafa.
Zyrtarët njoftuan se numri i të vdekurve mund të jetë më i lartë, pasi operacionet e kërkim-shpëtimit janë ende në vazhdim.
