Japonia i dërgoi një protestë Rusisë për sanksionimin e 13 biznesmenëve japonezë
TOKIO – Sot, Japonia i dërgoi një protestë Rusisë, sepse vendosi sanksione dhe kufizoi hyrjen e 13 biznesmenëve japonezë, përfshirë edhe kryetarin e kompanisë Toyota Motor.
“Vendimi i shpallur nga Rusia do të kufizojë aktivitetet legjitime të korporatave japoneze dhe kjo është krejtësisht e papranueshme”, tha ministri i Jashtëm japonez Yoshimasa Hayashi në një konferencë për shtyp në Tokio, sipas Reuters.
Ministria e Jashtme ruse publikoi dje një listë me 13 shtetas japonezë, duke thënë se Moska do t'i ndalojë përgjithmonë hyrjen në vend.
