Gërvalla pas tërheqjes së Biden: Kosova do të jetë gjithmonë mirënjohëse
Ministrja e Punëve të Jashtme, Donika Gërvalla Schwarz, ka reaguar pasi presidenti amerikan , Joe Biden, ka njoftuar për tërheqjen e tij nga gara për president të SHBA-së në zgjedhjet e nëntorit.
Gërvalla ka thënë se populli i Kosovës dhe Kosova admirojnë dhe do të jenë gjithmonë falënderues për presidentin Biden.
“Ai po tregon përsëri se çfarë lideri i madh dhe i mirë është”, ka shkruar ajo.
Tutje Gërvalla ka shkruar se lidershipi i Biden dhe kontributi dekadësh për liri dhe demokraci, janë një shërbim për të gjithë botën.
