Bëhet virale birra “Osama Bin Lager”

Birra me emrin Osama Bin Laden” është duke u shitur me të madhe pasi u bë virale nëpër rrjetet sociale, shkruan BBC.

Stafi i pubit “Mitchell Brewing Co” është dashur të ndalë telefonat dhe të mbyll uebfaqen shkaku i kërkesës së madhe për birrën “Osama Bin Lager”, përcjell gazeta online Reporteri.net.

Kompania nga Lincolnshire gjithashtu ka nisur të shesë birrat “Kim Jong Ale” dhe “Putin Porter”.

Miliona njerëz e kanë parë fotografinë e birrës që u publikua nëpër rrjetet sociale.

Burri dhe gruaja Luke dhe Catherine Mitchell menaxhojnë birrarinë dhe pubin.

“Jemi zgjuar që disa ditë nga kërkesa e madhe dhe njoftimet nëpër rrjetet sociale”, ka thënë Mitchell.

“Është çmenduri. Telefoni nuk është ndalur në 48 orët e fundit”.