Antikoprrupsioni kërkon pasaporta diplomatike

Shkup, Ndërkohë që disa anëtarë të ish-përbërjes së ekipit të Komisionit anti-korrupsion, së bashku me qytetarët presin prej disa muajsh për të marrë pasaportat normale, anëtarët aktualë të Komisionit e kanë vënë si prioritet marrjen e pasaportave diplomatike në luftën kundër korrupsionit

Kryetarja dhe të gjithë anëtarët e Komisionit kanë kërkuar nga Ministria e Punëve të Jashtme që t’u lëshojë dokumente të tilla udhëtimi të privilegjuara dhe deri më tani pasaportë të kaltërt ka marrë vetëm zyrtarja e parë kundër korrupsionit, Tatjana Dimitrovska.

“Janë kërkuar pasaporta diplomatike për të na shërbyer në të gjitha udhëtimet e ardhshme të biznesit. Pasaportat diplomatike të anëtarëve të KSHPK-së pasojnë si persona të zgjedhur dhe të emëruar nga Kuvendi, ato kurrë nuk do të përdoren për qëllime private por për kryerjen e funksioneve dhe obligimeve zyrtare”, u përgjigj Tatjana Dimitrovska, kryetare e KSHPK-së.

Vitin e kaluar, në kuadër të procesit të skriningut në BE, ish-kryetarja e KSHPK-së, Biljana Ivanovska, ishte njëzet herë në Bruksel, kështu që kur u pyet nëse ka pasaportë diplomatike për këtë qëllim, ajo u përgjigj se askush nga ekipi i vjetër nuk kërkoi një privilegj të tillë.

Ajo ka udhëtuar nga aeroporti drejt qytetit të Brukselit me transport publik, i cili kushton 9.9 euro, pa kërkuar kushte të veçanta nga misioni i shtetit në BE.

Nga ana tjetër, dy anëtarë të ekipit të mëparshëm kanë ardhur në punë me biçikletë, tre kanë udhëtuar me autobus nga Tetova, Velesi dhe Gostivari për të punuar në Shkup. Vizitat e punës i bënin ose në këmbë, sepse janë afër institucioneve në qendër të Shkupit, ose paguanin vetë taksi.